മോ​ദി​ക്ക് ശ​കു​നി ആ​യ​തും പ്ര​തി​പ​ക്ഷ​ത്തി​ന് ഗു​ണ​മാ​യ​തും ഇ​ക്കാ​ര്യ​ങ്ങ​ളോ?

ന്യൂ​ഡ​ൽ​ഹി: ‘അ​ബ് കി ​ബാ​ര്‍ ചാ​ര്‍ സൗ ​പാ​ര്‍’ ഇ​ക്കൊ​ല്ലം നാ​നൂ​റി​നും മു​ക​ളി​ൽ എ​ന്നാ​യി​രു​ന്നു ഇ​ത്ത​വ​ണ​ത്തെ തെ​ര​ഞ്ഞെ​ടു​പ്പി​ൽ ബി​ജെ​പി​യു​ടെ ആ​പ്ത​വാ​ക്യം. ജ​ന​ങ്ങ​ളെ ത​ങ്ങ​ളി​ലേ​ക്ക് അ​ടു​പ്പി​ക്കാ​ൻ പ​ല​വി​ധ ത​ന്ത്ര​ങ്ങ​ൾ പ​യ​റ്റി​യെ​ങ്കി​ലും അ​വ​യി​ൽ മി​ക്ക​തും പാ​ളി​പ്പോ​യെ​ന്നാ​ണ് പു​റ​ത്ത് വ​രു​ന്ന ഫ​ല​ങ്ങ​ൾ വ്യ​ക്ത​മാ​ക്കു​ന്ന​ത്.

ബി​ജെ​പി വി​ക​സി​ത ഭാ​ര​തം, മോ​ദി ഗാ​ര​ന്‍റി എ​ന്നി​വ​യാ​യി​രു​ന്നു ആ​ദ്യ​ഘ​ട്ട പ്ര​ച​ര​ണ​ത്തി​ലെ മു​ദ്രാ​വാ​ക്യ​ങ്ങ​ൾ. എ​ന്നാ​ൽ രാ​ജ്യം ഇ​ന്നു വ​രെ കാ​ണാ​ത്ത ത​ര​ത്തി​ലു​ള്ള വി​ദ്വേ​ഷ പ്ര​സം​ഗം മോ​ദി​യു​ടെ പ​ക്ക​ൽ നി​ന്നു​ത​ന്നെ കേ​ൾ​ക്കാ​നി​ട​യാ​യ​ത് തെ​ര​ഞ്ഞെ​ടു​പ്പി​ൽ മോ​ദി​ക്ക് ഏ​റ്റ​വും വ​ലി​യ വി​ന​യാ​യി മാ​റി​യെ​ന്ന് പ​റ​യാം.

ഏ​പ്രി​ല്‍ 21-ന് ​ബ​ന്‍​സ്വാ​ര​യി​ല്‍ ന​ട​ന്ന തെ​ര​ഞ്ഞെ​ടു​പ്പ് റാ​ലി​യി​ല്‍ മോ​ദി ന​ട​ത്തി​യ മു​സ്ലിം വി​രു​ദ്ധ പ​രാ​മ​ർ​ശം സ്വ​ന്തം കു​ഴി തോ​ണ്ടി​യെ​ന്ന തെ​ളി​വ് ഇ​ന്ന​ത്തെ ഫ​ല​ത്തി​ൽ പ്ര​തി​ഫ​ലി​ച്ചു കാ​ണാ​ൻ സാ​ധി​ക്കും.

രാ​ജ്യ​ത്തി​ന്‍റെ സ​മ്പ​ത്തി​ന്‍റെ പ്ര​ഥ​മ അ​വ​കാ​ശി​ക​ള്‍ മു​സ്ലിം സ​മു​ദാ​യ​ത്ത​ൽ​പെ​ട്ട​വ​ർ​ക്കാ​ണെ​ന്ന് മു​ൻ​പ്ര​ധാ​ന​മ​ന്ത്രി മ​ൻ​മോ​ഹ​ൻ സിം​ഗ് പ​റ​ഞ്ഞെ​ന്ന നി​ല​പാ​ടി​ൽ മോ​ദി ഉ​റ​ച്ച് നി​ന്നു. എ​ന്നാ​ൽ പി​ന്നീ​ട​ത് പ​ച്ച​ക്ക​ള്ള​മാ​ണെ​ന്ന് തെ​ളി​ഞ്ഞ​തും മോ​ദി സ​ർ​ക്കാ​രി​ന്‍റെ ഒ​ളി​ക്ക് മ​ങ്ങ​ലേ​റ്റു.

രാ​ഷ്ട്ര​പി​താ​വ് മ​ഹാ​ത്മാ​ഗാ​ന്ധി​യെ​ക്കു​റി​ച്ചു​ള്ള മോ​ദി​യു​ടെ പ​രി​ഹാ​സ പ​രാ​മ​ർ​ശ​വും സ്വ​ന്തം കു​ഴി തോ​ണ്ടി​യെ​ന്ന് പ​റ​യാം. ആ​റ്റ​ന്‍​ബ​റോ​യു​ടെ സി​നി​മ​യ്ക്ക് മു​ന്‍​പ് ഗാ​ന്ധി​ജി​യെ കു​റി​ച്ച് ലോ​ക​ത്തി​ന് യാ​തൊ​രു അ​റി​വു​മി​ല്ലാ​തി​രു​ന്നു എ​ന്ന് പ​റ​ഞ്ഞ​തും മോ​ദി​ക്ക് ത​ന്നെ വി​ന​യാ​യി മാ​റി.